اعمل الخير حتي لو بسيط
ياللي داخل علي امتحانات وايام ما يعلم بيها الا ربنا .. ياللي عشمان في حلم ونفسك تطوله .. ياللي قلبك طعمان في فرحه وراحه ..
-سنة ١٩٦٥ .. مصطفي امين الكاتب .. كان رئيس تحرير جرنال ( الأخبار ) .. سجنوه علشان يغير افكاره ويرجع عن هجومه علي الدوله .. بس هو دماغه ناشفه وعنده مبدأ .. لكنه برضه كان مريض بالسُكر .. فحرموه من الاكل والشُرب .. الاكل عادي ممكن الانسان يصبر عليه .. لكن الميه صعب جدًا خصوصًا لو كان الشخص مريض بالسُكر .. ربنا يحفظك تلاقيك عاوز كل شويه تشرب ميه .. المهم .. مصطفي امين اول يوم ملقاش ميه .. فـ بدأ يشرب من مية الاستنجاء ( الميه اللي بيطهر بيها جسده ) الله يعزك .. مسؤلين السجن اكتشفوا انه بيشرب منها .. فشالوها !! .. تاني يوم ملقاش ميه يشرب .. بقي يلف ف الزنزانه زي المجنون .. يمين وشمال .. جسمه بيتقطع .. هيموت من الجفاف والعطش .. تالت يوم علي نفس الحاله .. وزاد الامر صعوبه ووجع لدرجة انه خلاص آمن وسلم انه هيموت .. الساعه ٤ الفجر تقريبًا في عز الضلمه .. لقي باب الزنزانه بيتفتح ومتوارب .. وايد بتتمد من الباب ماسكه كوباية ميه كبيره متلجه .. وكان وقتها صيف شديد .. فبيقول : قولت اكيد دا حلم !! جري علي الباب مسك الكبايه لقاها ساقعه فعلاً !! بيبص علي اللي بيديهاله .. قام حط ايده علي شفايفه كأنه بيقوله ( هُششششش .. اشرب وانت ساكت ) شرب مُصطفي امين وارتوي وارتاح وردت روحه من جديد .. تاني يوم كان العرض علي النيابه .. فشاف الشاب اللي اداله الميه وعرفه ! قاله اقسمت عليك بالله يا اخي .. انت مين ؟! وشربتني ليه ؟ دا كان ممكن يعذبوك .. قاله يعذبوني بس ؟! دول كانوا هيضربوني بالرصاص .. قاله يا استاذ مصطفي من ٩ سنين .. اتبعتلك رساله من راجل فلاح بيقولك انه باع دهب مراته واشتغل وشقي كتير علشان يشتري جاموسه ! ولما اشتراها ماتت بعدها بيومين .. وقالك ارجوك تبعتلي جاموسه وتفرحني .. فـ انت بعتله جاموسه وحققتله امنيته في ليلة القدر .. وفرحته وجبرت بخاطره .. الراجل دا .. يبقي أبويا .
- الجنيه اللي بتطلعه لله تفرح بيه قلب حد هيبقي سبب في انه ربنا ييسر حالك ويطلعك من المحنه زي الشعره م العجينه .. كل لما بتعمل حاجه كويسه مع حد بيتحوشلك عند ربنا رصيد للستر .. يسترها معاك بقدر اللي بتعمله من خير .. ف طريق .. ف ماده ملعبكه .. ف جوازه متقفله .. ف اي شيء .. الشيكولاتايه اللي بتديها لوالدتك دي هتبقي سبب ف ان ربنا ييسر امورك ! .. تجبر بخاطر حد الله يجبر فورًا بخاطرك .. تلاقيها بتعدي كدا وبتتحل .. ازاي متسألش ! " ان الله في عون العبد مادام العبد في عون اخيه " مبقولكش تشتري جاموسه لفلاح فقير لان انا ولا انت قادرين علي تمنها دلوقت ;D بس ع الاقل ياسيدي ٥ جنيه تكرمشهم في ايد مسكين ولو كل شهر ! خير الاعمال ادومها وان قل خلي عندك عاده تعملها كل اسبوع وليكن مثلا تشتري ٤ سندوتشات طعميه وفول وتديهم ع الصبح كدا لراجل او ست علي قد حالها .. عارف انت المُفتاح اللي بيفتح اي قفل اللي بيبقي مع موظفين الفنادق " الماستر كي " .. اهو العمل اللي هتسمر عليه دا هيبقي هو المُفتاح اللي بيفتحلك كل السكك المتقفله وبيسهلك كل صعب ! سيدنا العباس شاف سيدنا عمر في الجنه فقاله دخلت الجنه بإيه يا عمر ؟ عدلك ولا عملك ؟ قاله دخلت الجنه عشان شوفت عصفور مربوط من رقبته ففكيت الخيط عنه واعتقته ! فربنا اعتقني من النار بسببه!! .. الامير بيلزق وبيشبط ف اي حاجه ومن الصعب انك تفكُه .. اعمل الخير وهتلاقي الفرج بيشبط فيك زي الامير والرزق الواسع هيلازمك ! عشان كدا عاوز تنجح طلع صدقه واسعي باي شكل ولو بسيط ! عاوز تبقي غني طلع صدقه وفرح حد ! " ما نقص مال من صدقه ! وهكذًا .. وانت بتعمل لربنا مش للناس فمتنتظرش رد جميل غير من ربك واظن عوض ربنا احسن من اي حد .. وربك بيدبقلك في الغيب مُفاجئه هتدهشك وتخليك مذهول من جمالها حتي ولو معملتش خير قبل كدا كفايه صدق نيتك وانت بتقرأ دلوقت .. هتفُرج وتحلي وتبقي علي سِنجة عشره .. اه والله :)) .. وعلي راي احد العلماء " وتضيق دنيانا فنحسب أننا سنموت يأسًا .. وإذا بفرج الله يُحيينا .. لاننا فعلنا الخير يومًا ! ☝️❤️
-سنة ١٩٦٥ .. مصطفي امين الكاتب .. كان رئيس تحرير جرنال ( الأخبار ) .. سجنوه علشان يغير افكاره ويرجع عن هجومه علي الدوله .. بس هو دماغه ناشفه وعنده مبدأ .. لكنه برضه كان مريض بالسُكر .. فحرموه من الاكل والشُرب .. الاكل عادي ممكن الانسان يصبر عليه .. لكن الميه صعب جدًا خصوصًا لو كان الشخص مريض بالسُكر .. ربنا يحفظك تلاقيك عاوز كل شويه تشرب ميه .. المهم .. مصطفي امين اول يوم ملقاش ميه .. فـ بدأ يشرب من مية الاستنجاء ( الميه اللي بيطهر بيها جسده ) الله يعزك .. مسؤلين السجن اكتشفوا انه بيشرب منها .. فشالوها !! .. تاني يوم ملقاش ميه يشرب .. بقي يلف ف الزنزانه زي المجنون .. يمين وشمال .. جسمه بيتقطع .. هيموت من الجفاف والعطش .. تالت يوم علي نفس الحاله .. وزاد الامر صعوبه ووجع لدرجة انه خلاص آمن وسلم انه هيموت .. الساعه ٤ الفجر تقريبًا في عز الضلمه .. لقي باب الزنزانه بيتفتح ومتوارب .. وايد بتتمد من الباب ماسكه كوباية ميه كبيره متلجه .. وكان وقتها صيف شديد .. فبيقول : قولت اكيد دا حلم !! جري علي الباب مسك الكبايه لقاها ساقعه فعلاً !! بيبص علي اللي بيديهاله .. قام حط ايده علي شفايفه كأنه بيقوله ( هُششششش .. اشرب وانت ساكت ) شرب مُصطفي امين وارتوي وارتاح وردت روحه من جديد .. تاني يوم كان العرض علي النيابه .. فشاف الشاب اللي اداله الميه وعرفه ! قاله اقسمت عليك بالله يا اخي .. انت مين ؟! وشربتني ليه ؟ دا كان ممكن يعذبوك .. قاله يعذبوني بس ؟! دول كانوا هيضربوني بالرصاص .. قاله يا استاذ مصطفي من ٩ سنين .. اتبعتلك رساله من راجل فلاح بيقولك انه باع دهب مراته واشتغل وشقي كتير علشان يشتري جاموسه ! ولما اشتراها ماتت بعدها بيومين .. وقالك ارجوك تبعتلي جاموسه وتفرحني .. فـ انت بعتله جاموسه وحققتله امنيته في ليلة القدر .. وفرحته وجبرت بخاطره .. الراجل دا .. يبقي أبويا .
- الجنيه اللي بتطلعه لله تفرح بيه قلب حد هيبقي سبب في انه ربنا ييسر حالك ويطلعك من المحنه زي الشعره م العجينه .. كل لما بتعمل حاجه كويسه مع حد بيتحوشلك عند ربنا رصيد للستر .. يسترها معاك بقدر اللي بتعمله من خير .. ف طريق .. ف ماده ملعبكه .. ف جوازه متقفله .. ف اي شيء .. الشيكولاتايه اللي بتديها لوالدتك دي هتبقي سبب ف ان ربنا ييسر امورك ! .. تجبر بخاطر حد الله يجبر فورًا بخاطرك .. تلاقيها بتعدي كدا وبتتحل .. ازاي متسألش ! " ان الله في عون العبد مادام العبد في عون اخيه " مبقولكش تشتري جاموسه لفلاح فقير لان انا ولا انت قادرين علي تمنها دلوقت ;D بس ع الاقل ياسيدي ٥ جنيه تكرمشهم في ايد مسكين ولو كل شهر ! خير الاعمال ادومها وان قل خلي عندك عاده تعملها كل اسبوع وليكن مثلا تشتري ٤ سندوتشات طعميه وفول وتديهم ع الصبح كدا لراجل او ست علي قد حالها .. عارف انت المُفتاح اللي بيفتح اي قفل اللي بيبقي مع موظفين الفنادق " الماستر كي " .. اهو العمل اللي هتسمر عليه دا هيبقي هو المُفتاح اللي بيفتحلك كل السكك المتقفله وبيسهلك كل صعب ! سيدنا العباس شاف سيدنا عمر في الجنه فقاله دخلت الجنه بإيه يا عمر ؟ عدلك ولا عملك ؟ قاله دخلت الجنه عشان شوفت عصفور مربوط من رقبته ففكيت الخيط عنه واعتقته ! فربنا اعتقني من النار بسببه!! .. الامير بيلزق وبيشبط ف اي حاجه ومن الصعب انك تفكُه .. اعمل الخير وهتلاقي الفرج بيشبط فيك زي الامير والرزق الواسع هيلازمك ! عشان كدا عاوز تنجح طلع صدقه واسعي باي شكل ولو بسيط ! عاوز تبقي غني طلع صدقه وفرح حد ! " ما نقص مال من صدقه ! وهكذًا .. وانت بتعمل لربنا مش للناس فمتنتظرش رد جميل غير من ربك واظن عوض ربنا احسن من اي حد .. وربك بيدبقلك في الغيب مُفاجئه هتدهشك وتخليك مذهول من جمالها حتي ولو معملتش خير قبل كدا كفايه صدق نيتك وانت بتقرأ دلوقت .. هتفُرج وتحلي وتبقي علي سِنجة عشره .. اه والله :)) .. وعلي راي احد العلماء " وتضيق دنيانا فنحسب أننا سنموت يأسًا .. وإذا بفرج الله يُحيينا .. لاننا فعلنا الخير يومًا ! ☝️❤️
Comments
Post a Comment